પૂરણ માટે:

1. સૌ પ્રથમ એક કડાઈમાં ઘી ગરમ કરવા મૂકવું.
2. તેમાં અંજીર અને ઠળિયા કાઢેલી ખજૂર લઈને તેને બરાબર સાતળવી અને તેને સતત હલાવતા રહેવું.
3. હવે તેમાં મિક્સ ડ્રાયફ્રૂટ પાઉડર અને ઇલાયચી પાઉડર નાંખી મિક્સ કરવું.
4. સ્ટવ બંધ કરી તે ઠંડું થાય પછી તેના નાના નાના ગોળા બનાવી લેવા.

લોટ બનાવવા માટે:

1. હવે એક બાઉલમાં ઘઉંનો લોટ, મેંદાનો લોટ, હળદર, મીઠું અને તેલ નાંખી બરાબર મિક્સ કરવું.
2. પછી તેમાં પાણી નાંખીને એક સોફ્ટ લોટ બાધવો.
3. હવે લોટમાંથી એક મોટો લૂઓ લઈને તેને થોડો વણી તેમાં અંજીરના પૂરણનો એક ગોળો મૂકીને બધી બાજુથી પેક કરી લેવું.
4. ફરી તેનો લૂઓ બનાવીને પ્લેટફોર્મ પર ઘઉં નો કોરો લોટ છાંટીને એક રોટલી સાઇઝમાં વણી લેવી.
5. હવે તેને શેકવા માટે એક ગરમ તવીમા ઘી અથવા તેલની મદદથી પરાઠાની જેમ શેકી લેવી અને ગરમા ગરમ પીરસવું.