પાસ્તાની રીત:

1. પ્રથમ, મોટી તપેલીમાં પાણીને મીઠું નાંખીને ઉકાળો.
2. એકવાર પાણી ઊકળવા આવે એટલે તેમાં પાસ્તા ઉમેરો.
3. તમે કોઈ પણ પ્રકારના પાસ્તાનો ઉપયોગ કરી શકો છો.
4. પાસ્તા ચડી જાય ત્યાં સુધી ઉકાળો, જો જો વધારે ચડી ના જાય.
5. પાસ્તામાંથી વધારાનું પાણી નિતારી નાંખો અને બાજુમાં રાખો.
6. હવે ગેસ પર તપેલી મૂકી 60 મિલી તેલ ગરમ કરો.
7. તેલ ગરમ થાય પછી સમારેલા ગાજર, કેપ્સીકમ અને સ્વીટ મકાઈનાં દાણા ઉમેરો.
8. જ્યાં સુઘી અધકચરા ચડી ના જાય ત્યાં સુધી 2 મિનિટ સુધી સાંતળો.
9. મરીનો ભૂકો અને મીઠું ઉમેરો.
10. મસાલા સારી રીતે મિક્સ થાય ત્યાં સુધી બરાબર સાંતળો. એક બાજુ રાખો.

અલફ્રેડો સોસની (સફેદ ચટણી) રીત:

1. પાસ્તા માટે સફેદ ચટણી તૈયાર કરવા માટે, એક પેનમાં બટર ગરમ કરો.
2. તેમાં મેંદાનો લોટ નાંખી ધીમા આંચ પર શેકો જ્યાં સુધી થોડો કલર ના બદલાય.
3. જ્યાં સુધી સુગંધિત ન થાય ત્યાં સુધી સાંતળો, અને તેનો રંગ ના બદલવા દો.
4. હવે દૂધ લો અને આશરે 1 કપ બાજુ પર રાખો અને બાકીના દૂધને ધીમે ધીમે પેનમાં મિક્સ કરો.
5. ચટણી ઘટ્ટ થાય ત્યાં સુધી મિક્સ કરો, ગઠ્ઠા ના રહેવા જોઈએ
6. પછી બાકીનું 1 કપ દૂધ નાંખો અને સતત હલાવતા રહો.
7. ચટણી ઘટ્ટ થાય ત્યાં સુધી સતત મિક્સ કરો.
8. ચટણીનું ક્રીમી ટેક્સચર થાય ત્યાં સુધી હલાવતા રહો.
9. હવે તેમાં કાળી મરી, સૂકું મરચું ક્રશ કરેલું, ઓરેગાનો, બેઝિલ અને મીઠું નાંખો.
10. સાંતળેલું શાકભાજી ઉમેરો અને બરાબર ભેગા કરો.
11. હવે બાફેલાં પાસ્તા ઉમેરો અને ધીમા તાપે બરાબર મિક્સ કરો.
12. પીરસતા પહેલા સફેદ ચટણી, ચીઝ વડે શણગારવું.