Cooktime

4 દિવસ

Weight

600 ગ્રામ

Notes

આ અથાણું 1 ½ મહિના સુધી સારું રાખવા માટે બરણીમાં ગરમ તેલ ઠંડું થયા બાદ ઉપરથી ઉમેરવું. અથાણું બનાવ્યા પછી 3 – દિવસ સુધી તડકામાં રાખવું અને પછી ઉપયોગમાં લેવા.

🥕 Ingredients

લાલ મરચાં – 500 ગ્રામ
રાઈનું તેલ – 2 કપ
લીંબુનો રસ – 5-6 ચમચી
રાઈ – 4 ચમચી (4 ગ્રામ)
વરિયાળી – 30 ગ્રામ
મેથીના દાણા – 20 ગ્રામ
જીરું – 15 ગ્રામ
કાળા મરી – 10 ગ્રામ
અજમો – 5 ગ્રામ
સંચળ પાઉડર – 10 ગ્રામ
હળદર પાઉડર – 1 ચમચી (7 ગ્રામ)
મીઠું – સ્વાદાનુસાર

🍕 Recipe

સૌ પ્રથમ એક નોન–સ્ટીક પેન ગરમ કરી તેમાં વરીયાળી, મેથી, જીરું, અજમો, કાળા મરી 1-2 મિનિટ માટે શેકી લેવા.
હવે તેમાં મીઠું ઉમેરી મિક્સરમાં કરકરું પીસી લેવું.
અને મસાલાનું મિશ્રણ તૈયાર કરવું.
ત્યારબાદ રાઈને મિક્સરમાં પીસી આ મિશ્રણમાં ઉમેરવું.
હવે એક વાસણમાં રાઈનુ તેલ ગરમ કરી ગેસ બંધ કરવો અને તેલ ઠંડું થવા દેવું.
પછી તૈયાર કરેલા મિશ્રણમાં સંચળ, હળદર અને લીંબુનો રસ ઉમેરી મિક્સ કરવું.
અને હવે ગરમ કરેલા તેલમાંથી 2 ચમચા જેટલું તેલ લઈ મિશ્રણમાં ઉમેરી બરાબર મિક્સ કરી લેવું.
ત્યારપછી મરચાંના ડીટિયા નીકાળી ફાડા કર્યા વગર એક બાજુથી ચીરીને બી નીકાળી લેવા.
આ નીકળેલા બીને ઉપર તૈયાર કરેલા મિશ્રણમાં ઉમેરી દેવા.
ત્યારબાદ આ મસાલો મરચાંમાં ભરી મરચાં તૈયાર કરવા.
આ મસાલો ભરેલા મરચાંને રાઈના ગરમ કરેલા તેલમાં ઉમેરી મિક્સ કરવા.
હવે તેને એક બરણીમાં ભરી લેવા.
મરચાં ભરતા વધેલો મસાલો બરણીમાં ઉપરથી ઉમેરવો.
તૈયાર છે આખા મરચાંનું અથાણું.